Útgefið efni

Skemmst er frá því að segja að eftir að laserar frá Stingray voru settir út í kvíar og bætt var við hrognkelsum í maí og júní, hefur ekki þurft að meðhöndla gegn lús, hvorki með brunnbát né lyfjum heldur héldu þessar fyrirbyggjandi aðgerðir henni í skefjum.

Á mánudaginn voru starfsmenn Náttúrustofu Vestfjarða í sýnatöku í Kofradýpi með starfsmönnum Háafells. Tekin eru botnsýni við og í grennd við eldissvæðið og niðurstöðurnar bornar saman við sýni sem voru tekin áður en eldið hófst.

Háafell hefur tekið áhugavert og stórt skref til að lágmarka líkur á slysasleppingum í sínu sjókvíaeldi. Það byggir á innleiðingu á nýrri gerð netpoka hér á landi sem eru úr mjög slitsterkum trefjum þar sem möskvar og tvinni eru þynnri en á sama tíma sterkari en gengur og gerist. Netin hafa mikið slit- og núningsþol, sökkva vel og hafa góða UV vörn. Netin bera nafnið Royal Predator en þau hafa verið þróuð og notuð í laxeldi í Tasmaníu gegn stórum rándýrum sem hafa herjað á eldið þar.

Fóðurprammar Háafells, Ögurnes og Kambsnes, hafa verið nú keyrðir á rafmagni í vel á annað ár af því tilefni heimsóttu forsvarsmenn Bláma og Orkubús Vestfjarða prammana.

Nú hafa laser tæki Stingray verið rúman mánuð í kvíum Háafells.

Í framhaldi heimsóknar til Noregs í desember gerði Háafell samning við Stingray á fyrstu tækjunum sem væntanleg eru síðla vors.

Í sjókvíaeldi Háafells er vel fylgst með botninum og lífríkinu í kringum kvíarnar.

Uppskeru úr fyrstu kví Háafells í Vigurál er lokið. Vel hefur gengið að slátra í Drimlu, Bolungarvík, og laxinn vekur ánægju.